Rle-bloggen: Moskè - den heilage bygningen i islam

Den heilage bygningen i islam er moskèen. Moskèar er vanlegvis eigne bygningar som er laga for å samle menneske til bøn, men det fins stader der vanlege leiligheiter, lagerlokale o.l, er teke i bruk til tilbeding av Allah.
Det er vanleg at muslimar ber fem gongar for dagen, og mange samlar seg i moskèen for å gjere det, men det går også an å gjere det andre plassar, som for eksempel heime.
Fredag er ein heilag dag for muslimane og då går alle menn i moskèen for å be fredagsbøna. Kvinner kan også gå til moskèen, men det er frivilleg. Men dersom dei ikkje går dit, har dei eit eige rom for bøn som erstattar moskèen.

Moskèar er ofte fint utsmykka - både på utsida og innsida. Bygget har vanlegvis store kupplar, og høge tårn ute, og inne ser ein ofte ornamentikk på veggane. Moskèar har fleire rom, eit for kvinner og barn, eit for menn, og eit rom der ein må vaske seg før ein går inn i sjølve moskèen for å be.

Når muslimar ber, er dei alltid vent mot Mekka. Grunnen til det er at Muhammed reiste dit. Ein av dei fem søylene til muslimane er å reise på ei pilegrimsreise til Mekka, denne reisa kallar dei hadsj. Alle kvinner og menn må gjennomføre reisa ein gong i livet, så lenge dei er i stand til det - både fysisk og økonomisk. Kvart år kjem det mellom 2-3 millionar muslimar til Mekka under hadsj (pilegrimsreisa).